Castellano Galego
Castellano Galego
Estamos nunha desas semanas nas que os galegos obviamos as nosas inquedanzas e aproveitamos para procurar o lecer.
É un auténtico motivo para felicitar o noso Concello o apoio prestado no relanzamento das nosas tradicionais procesións do Xoves e o Venres Santo, e así os no ten dito os propios organizadores quenes sinalaron que o apoio é máximo. Pero tamén temos que enchernos de ledicia co feito de que existan viguesas e vigueses preocupados pola recuperación da memoria das nosas tradicións tan esquecidas nos últimos anos, e que estaban a precisar do apoio das institucións.
Pero agora tócanos a nos, os cidadáns, temos que saír as rúas os vindeiros xoves e venres e encher as beirarrúas, temos que comezar a facer cidade, que así tamén se fai, e pensar no potencial que ten para a visita dos turistas o apoio dos de casa. Saiamos a dar as grazas os organizadores da Semana Santa viguesa, e disfrutemos con ledicia da mesma.
1. As festas do Carme, por por un exemplo, son tradicionais da nosa cidade, mariñeira e galega. E teñen a súa manifestación característica.
A semana santa NON é tradicional. É un invento recente, sen que aquí houber unha tradición e unha manifestación características dese acto relixioso propio de toda comunidade católica.
E iso de que van vir turistas a Vigo pola semana santa... Quen quere semana santa vai principalmente a Andalucía.
En Galicia son destacábeis a de Ferrol e a de Viveiro, mais a de Vigo non ten interese de ningún tipo a parte de relixioso para quen teña fe.
Hai moitas cousas que promocionar en Vigo mais non parece que a Páscoa sexa unha.
